Алматыда 109 адам тіркелген пәтер анықталды

Алматы тұрғыны, бір бөлмелі пәтеріне 109 адамды тіркеген. Сол үшін ақы алып, баспанасын табыс көзіне айналдырған. Бұл туралы қалалық прокуратураның баспасөз қызметі хабарлады. 

Әйел адамның әрекеті заңға қайшы келгендіктен жауапқа тартылды. Оның үстінен заңсыз көші-қонды ұйымдастыру бойынша іс қозғалып, сот үкімімен бір жылға бас бостандығынан айырылды. Прокурорлардың айтуынша, елдің көші-қон заңнамасының талаптарын бұзғандар қатаң жазаланады.