Алматыда жаңбыр жаумайды, ал Астанада күн жылынады

Синоптиктер Астана мен Алматы қалаларына арналған қазанның аяғындағы ауа райы болжамын нақтылады. Алматыда 30 қазанда жауын-шашын жаумайды, ал елордада күндіз ауа температурасы аздап көтеріледі, деп хабарлайды Tengrinews.kz "Қазгидрометке" сілтеме жасап.

Астанада ауа райы қандай болады?

30 қазанда елордада күн бұлтты болады, түнде жаңбыр мен қар түрінде аздаған жауын-шашын жаууы мүмкін. Батыстан соғатын желдің жылдамдығы түнде секундына 2-7 метр, күндіз 5-10 метр болады. Ауа температурасы түнде -2…-4 градус суық, күндіз +7…+9 градус жылы болады.

31 қазан мен 1 қарашада жауын-шашын жаумайды. Жел батыстан секундына 7-12 метр жылдамдықпен соғады. Түнде температура -1…-3 градус болады, күндіз +9…+11 градусқа дейін жылынады.

Бұған дейін жарияланған болжамда 30 қазанда Алматыда жаңбыр жауады делінген еді. Енді синоптиктер күн ашық болады деп отыр. 30 және 31 қазанда қалада күн бұлтты болады, жауын-шашын жаумайды. Солтүстік-шығыстан соғатын желдің жылдамдығы секундына 3-8 метр болады. Түнде ауа температурасы +1…+3 градус, күндіз +12…+14 градус жылы болады.

1 қараша даайтарлықтай өзгеріс болмайды: жауын-шашын жаумайды, түнде ауа температурасы +2…+4 градус, күндіз +12…+14 градус жылы болады.

Бұған дейін синоптиктер қазанның соңғы күндері Қазақстанның батыс және оңтүстік өңірлерінің тұрғындарын жылы ауа райымен қуантатынын хабарлады. Күндіз бұл аймақтарда ауа температурасы +22 градусқа дейін көтеріледі, алайда елдің солтүстігі мен шығысында қар түрінде жауын-шашын болжанып отыр. Толық болжамды осы жерден оқыңыз.

Бізді Google-дың негізгі дереккөздер тізіміне қосыңыз