Алматыдағы LRT ның Tarlan Astana дан айырмашылығы қандай?

Фото: Алматы әкімдігі

Қазіргі уақытта жоба аясында дайындық жұмыстары жүргізіліп жатыр. Мамандар ескі трамвай рельстері мен асфальт жабындысын алып тастаған. 

LRT-ның алғашқы желісі Алатау ауданындағы индустриялық аймақты қаланың орталығымен және «Алматы-2» теміржол вокзалымен байланыстырады. Маршруттың ұзындығы 18 шақырымды құрайды. Жоба бойынша 34 аялдама қарастырылған.

Алматыда LRT құрылысына байланысты бір көше уақытша жабылады

Бір пойыз құрамы 285 жолаушыға дейін тасымалдай алады. Ал оның орташа қозғалыс жылдамдығы сағатына 35 шақырымнан аспайды.

Елордадағы LRT жүйесінен ерекшелігі – Алматыдағы жеңіл рельсті көлік негізінен жерүсті бағытында жүреді. Бағыт қала көшелерімен өтеді және көпірлі эстакадалар салынбайды.

Жобаның тағы бір ерекшелігі – әуе электр желілерінің болмауы. Қалалық Жол инфрақұрылымын дамыту басқармасы басшысының орынбасары Асан Бостановтың айтуынша, пойыздар стансаларда қуатталатын аккумуляторлар арқылы қозғалады деп жоспарланып отыр.

Астанадағы LRT екі аптада 1 миллион жолаушы тасымалдады

«LRT құрылысы аясында жылжымалы құрамды әуе электр желілерінсіз жүргізуге мүмкіндік беретін заманауи шешімдер қарастырылып жатыр. Яғни пойыздар стансаларда қуатталатын өз аккумуляторларының есебінен қозғалады. Бұл шешім қала аспанын электр сымдарынан бос ұстауға мүмкіндік береді», деді Асан Бостанов.

Еске сала кетейік, Астанадағы LRT жүйесі 16 мамырдан бастап іске қосылды. Кейін оның атауы атауы Tarlan Astana болып өзгерді.