Алты жастағы қызды мүсін басып қалды: апелляциялық сот қандай үкім шығарды

АЛМАТЫ, 16 қазан – Sputnik. Атырауда мүсін басып қалған қыздың өліміне кінәлі деп танылған мердігер апелляциялық сотқа шағымданған. Аппелияциялық сот қандай үкім шығарғанын Sputnik Қазақстан тілшісі айтады.

"Қыздың өліміне кінәлілердің ісі апелляциялық сотта қаралды. Алайда сот бірінші сатыдағы сот үкімін өзгеріссіз қалдырды", - деп хабарлады Атырау облыстық соты.

Еске сала кетейік, Атыраудағы "Жеңіс" саябағында жаңбырдан пана іздеген бір отбасының үш мүшесінің үстіне мүсін құлап кетті. 6 жастағы қыз көз жұмды. Трагедия 2024 жылы 25 маусымда болған.

Бір жылдан кейін кінәлілерге сот үкімі шықты. Сотталушы жәбірленуші тараптың әрқайсысына 10 млн теңгеден моральдық шығын төлеген. Бірінші сатыдағы сот үкімімен айыпталушы кінәлі деп танылып, оған 3 жыл мерзімге бас бостандығынан айыру жазасы кесілді. Оған сондай-ақ сәулет, қала құрылысы және құрылыс қызметі саласындағы қызметпен айналысуға 3 жылға тыйым салынды.