АҚШ визалық шектеулері Қытай мен Орталық Америка байланысына әсер етпейді ҚХР СІМ

Inform.KZ парақшасынан алынған ақпаратқа сәйкес, Qazaq24.com хабарлайды..

Бұл туралы сейсенбі күні Қытай Халық Республикасының Сыртқы істер министрлігінің ресми өкілі Го Цзякунь журналистерге арналған дәстүрлі брифинг барысында мәлімдеді.

Го Цзякунь бұл мәлімдемені АҚШ тарапынан Орталық Америка елдерінің азаматтарына және олардың Қытай Коммунистік партиясымен ынтымақтасып, Орталық Америкадағы заң үстемдігін бұзады деп айыпталған жақын туыстарына қатысты енгізілген визалық шектеулерге пікір білдіру кезінде айтты.

Қытай бұл визалық шектеулерге байланысты АҚШ-қа қатаң наразылық білдіргенін айта келе, Го Цзякунь Вашингтон «заң үстемдігі» деген желеумен заңсыз әрекеттер жасап, аймақ елдеріне қатысты саяси қысым мен экономикалық мәжбүрлеу құралдарын қолданатынын атап өтті.

Оның айтуынша, АҚШ өз ұлттық заңнамасын халықаралық құқық пен халықаралық міндеттемелерден жоғары қойып, басқа елдердің заңды құқықтары мен мүдделеріне нұқсан келтіріп жатыр. Сонымен қатар мемлекеттердің егемендік теңдігі мен ішкі істеріне араласпау қағидаттарын өрескел бұзып отыр, бұл халықаралық тәртіпке елеулі зиян тигізеді.

Го Цзякунь Қытай әрқашан Орталық Америка елдерінің сенімді серіктесі әрі досы болып қала беретінін, олармен бірге даму мен өркендеуге ұмтылатынын және Қытай мен Латын Америкасы арасындағы ортақ тағдыр қауымдастығын құруға ниетті екенін айтты.

Еске салсақ, АҚШ президенті Дональд Трамп 1 қарашадан бастап Қытайдан келетін тауарларға кедендік баж салығын екі есе арттыруды және экспорттық шектеулер енгізуді жоспарлап отырғанын мәлімдеді.

Өз кезегінде Қытай сирек жер металдарының экспортын бақылауды заңды деп танып, АҚШ-ты мәселелерді сөйлесу арқылы шешуге шақырды.

Жағдайды бақылауды жалғастырыңыз, Qazaq24.com әрқашан ең жаңа жаңалықтарды ұсынады.