Ақши халқының жанайқайы: 20 күннен бері ауыз су жоқ

Qazaq24.com, Sputnik.KZ дереккөзінен алынған мәліметтерге сүйене отырып ақпарат бөліседі..

АЛМАТЫ, 25 қараша – Sputnik. Алматы облысы Іле ауданы Күрті ауылдық округінің орталығы Ақши ауылында 6 мыңнан астам тұрғын ауыз сусыз отыр. Елді мекеннің жағдайын Sputnik Қазақстан тілшісі біліп қайтты.

Ақшиліктер бөтелкемен су тасып жүр

Түтіні түзу Ақшидің әттеген-айы сол, ауыз су жоқ. Қалың жұрт піләк пен бөтелкесін, су құятын құтысын көтеріп, су тасушының жолын тосуға мәжбүр.

Алматы облысында 6 мыңнан астам тұрғын айға жуық ауыз сусыз отыр

Өйткені елу жылда әбден тозығы жеткен су құбырлары жөндеуге келмей қалған. Кімді сөзге тартсаң да айтары бір – су жоқ.

"Қаншама жыл болды, құбыр жарылып кетсе, жамап-жасқап әуре болады. Ол қайта жарылады. Міне соңғы 20 күндей болды, мүлдем ауыз су жоқ. Құбырлар шіріп кеткен. Оны түгел жаңалау керек", - дейді ауыл тұрғыны Сайын Жарылғасов.

Халық сенуден қалған

Кезінде Ақши Күрті ауданының орталығы болған. Тәуелсіздік алған жылдары тарап, қолдан қолға өтіп, біресе Жамбыл, біресе Іле ауданының қарамағына кірді.

Алматы облысында 6 мыңнан астам тұрғын айға жуық ауыз сусыз отыр

"Екі жарым шақырымдай құбырды жамап жатыр дейді. Бірақ ары қарай құбыр жарылмайды дегенге сенбейміз", - дейді ауылдықтар.

33 жылға созылған проблема

Ауыз су құбыры 1972 жылдан бастап салынып, 4 жылдан кейін пайдалануға берілген.

1997 жылдары да ауыз су бірде бар, бірде жоқ болған. Өйткені ауыл электр тогына қарыз болған. Тұрғындар су тасып күн көрген. Қысқасы Ақшидегі ауыз судың мәселесі 1992 жылы, 33 жыл бұрын басталған. Бірақ ол кезде құбыр тозбаған.

Жыл басынан бері 70 рет жарылған

"Жарылған құбырды жасаумен келдік. Биыл жыл басынан бері су құбырларында 70 рет апатты жағдай болды. 6 қарашада құбыр тағы жарылды. Жасап болған соң су бірден келе салмайды. 72 шақырым ағып, 20 сағатта бір-ақ келеді. Оны күтеміз. Су келгенде қайта жарылады, қайта тоқтатамыз", - дейді Күрті ауылдық округі әкімінің орынбасары Дулат Әбілғани.

Алматы облысында 6 мыңнан астам тұрғын айға жуық ауыз сусыз отыр

6 қарашадан бастап 10 күн бойы су мамандары жарылған құбырмен алысқан.

"Боз ой" топтық су құбыры деген мекеме сол күнге дейін жасап келді. Ол кезде 80 тоннадай су қоры болған. Оны су тасығыш көлікпен тасыдық. Содан 16 қарашада 7-ші рет жарылды. Алдында бір жерінен ғана жарылса, сол күні құбыр 6 жерінен бір-ақ жарылып кетті. "Боз ой" мамандары құбырды қалпына келтіруге шамамыз жетпейді деді", - дейді әкім орынбасары.

Алматы облысында 6 мыңнан астам тұрғын айға жуық ауыз сусыз отыр

Ауыл әкімдігі ауданға, аудан әкімдігі облысқа шығып, абыр-сабыр басталады. Аудан әкімі сусыраған халықпен кездесіп, жағдайды түсіндіруге тырысады.

72 шақырым құбыр түгел тозған

Ақшиге су Қараой ауылынан 72 шақырым жерден келеді, құбырдың бәрі тозған. 2020 жылы 63 млн теңге бөлініп, жобалық сметалық құжат жасалған. Жалпы Ақши ауылын ауыз сумен қамтамасыз етуге 7 млрд теңге керек", - дейді Дулат Әбілғани.

1/4

Алматы облысында 6 мыңнан астам тұрғын айға жуық ауыз сусыз отыр

2/4

Алматы облысында 6 мыңнан астам тұрғын айға жуық ауыз сусыз отыр

3/4

Алматы облысында 6 мыңнан астам тұрғын айға жуық ауыз сусыз отыр

4/4

Алматы облысында 6 мыңнан астам тұрғын айға жуық ауыз сусыз отыр

1/4

Алматы облысында 6 мыңнан астам тұрғын айға жуық ауыз сусыз отыр

2/4

Алматы облысында 6 мыңнан астам тұрғын айға жуық ауыз сусыз отыр

3/4

Алматы облысында 6 мыңнан астам тұрғын айға жуық ауыз сусыз отыр

4/4

Алматы облысында 6 мыңнан астам тұрғын айға жуық ауыз сусыз отыр

Мұндай қаражаттың жоқ екенін айтып, аудан әкімі халыққа ауыз суды уәде бермеген. Негізі бұл құбырларға жауапты су ресурстары министрлігі дейді әкімдік. Ал бұл жолы облыстық төтенше жағдайлар саласынан қаржы бөлініп, 2,5 шақырым құбыр ғана жасалып жатыр. Бірақ бұдан кейін ақшиліктердің ауыз сусыз қалмайтынына кепілдік жоқ.

Қазір үш "водовоз" су тасып жүр. Күніне 32 тонна су әкеледі.

"Тұрғындар көше аралап су таратсын деп жатыр. Бірақ олай істеуге мүмкіндік жоқ. Өйткені тұрғындар моншасына дейін су толтырып, шланганы жібермей қояды", - дейді Күрті ауылдық округінің әкімдігі.

Соңғы жаңалықтар мен жаңартуларды жіберіп алмау үшін Qazaq24.com сайтынан бақылауды жалғастырыңыз, біз жағдайды қадағалап, ең өзекті ақпаратты ұсынамыз.