Ақтау маңындағы AZAL ұшағының апаты: Ресей мен Әзербайжан бірлескен мәлімдеме жасады

Qazaq24.com, Tengrinews.KZ дереккөзінен алынған ақпаратқа сүйене отырып жаңалық таратты..

Ресей мен Әзербайжан 2024 жылғы желтоқсанда Ақтау маңында болған AZAL әуекомпаниясы ұшағының апатына қатысты мәселені реттеді, - деп хабарлайды Tengrinews.kz.

Екі елдің Сыртқы істер министрліктері бірлескен мәлімдеме таратты. Онда Ресей Федерациясы мен Әзербайжан Республикасы президенттерінің 2025 жылғы 9 қазанда Душанбеде қол жеткізген уағдаластықтарына сәйкес, тараптар Embraer 190 ұшағы апатының салдарын, соның ішінде өтемақы төлеу мәселесін тиісті түрде шешуге келгені айтылған.

Сондай-ақ мәлімдемеде AZAL әуекомпаниясы әуе кемесінің құлауына "Ресей Федерациясының әуе кеңістігіндегі ӘҚ жүйесінің қасақана жасалмаған іс-қимылдары" себеп болғаны көрсетілген.

"Қабылданған шаралар одақтастық іс-қимыл аясында өзара тиімді ынтымақтастықты одан әрі құруға деген ортақ ұмтылысты растайды. Ресей-Әзербайжан байланыстарының өзара құрмет, сенім және тараптардың мүдделерін ескеру негізінде үдемелі дамуы тату көршілік қатынастарды нығайтуға және екі мемлекет халықтарының мүддесі үшін ынтымақтастықты кеңейтуге алдағы уақытта да ықпал ететініне сенім білдіреміз", - делінген делінген бірлескен мәлімдемеде.

Тараптар әуе кемесінің апаты салдарынан қаза тапқандардың туған-туыстары мен жақындарына және осы қасірет тиген барша жандарға тағы да терең көңіл айтты.

Мән-жай

2024 жылғы 25 желтоқсанда Ақтау маңында Баку – Грозный бағытындағы жолаушылар ұшағы апатқа ұшырады. Әуе апаты салдарынан 38 адам қаза тауып (оның ішінде 3 экипаж мүшесі), 29 адам түрлі дәрежедегі дене жарақатын алды.

Соңғы жаңалықтар мен жаңартуларды жіберіп алмау үшін Qazaq24.com сайтынан бақылауды жалғастырыңыз, біз жағдайды қадағалап, ең өзекті ақпаратты ұсынамыз.