Әскери тауарларды заңсыз тасымалдағандарға қандай жаза қолданылады

Оның айтуынша, мұндай тауарлардың экспорты, импорты және транзиті тек электрондық үкімет порталы арқылы рәсімделген тиісті рұқсат құжаттары болған жағдайда ғана жүзеге асырылады.

Заңнама талаптарын бұзғаны үшін Қылмыстық кодекстің бірқатар бабы бойынша жауапкершілік қарастырылған. Атап айтқанда, экономикалық контрабанда, әскери және қосарлы мақсаттағы технологиялар мен ақпаратты заңсыз экспорттау немесе импорттау, сондай-ақ айналымы шектелген заттарды заңсыз өткізу фактілері қылмыстық жауапкершілікке жатады.

Сонымен қатар ЕАЭО кедендік шекарасы арқылы тауарларды өткізу кезінде тыйымдар мен шектеулерді сақтамау немесе тиісті рұқсатсыз кәсіпкерлік қызметпен айналысу әкімшілік жауапкершілікке әкеп соғады.

– Бұл талаптар тек сыртқы экономикалық қызметке қатысушыларға ғана емес, заңсыз әрекетке жол берген лауазымды тұлғаларға да қатысты. Сондықтан жауапкершілік өте жоғары, - деді Замира Малдыбаева.

Бұған дейін елімізде өзіндік ерекшелігі бар тауарларды әкелу үшін лицензия қажет екені хабарланған болатын.