Әскери ұшақтар Б. Момышұлының 115 жылдығына орай оқу жаттығу өткізді

Еліміздің әскери әуеайлақтарында ауқымды оқу-жаттығу өтті. 

Әуе қорғанысы күштерінің ұшақтары мен тікұшақтары бір мезетте Астана, Тараз, Балқаш, Жетіген, Қарағанды, Шымкент, Талдықорған және Ақтаудағы авиациялық базалардан көтерілді. Әскери оқу-жаттығу Кеңес Одағының Батыры Бауыржан Момышұлының 115 жылдығына орай ұйымдастырылған. 

Ұшуларға С-295, Су-30СМ, Су-27, Л-39С ұшақтары мен тікұшақтары, сондай-ақ ANKA ұшқышсыз ұшу аппараты тартылды. Оқу-жаттығу кезінде барлық міндеттер толық орындалды. Іс-шара Қазақстанның Әскери-әуе күштерінің жоғары жауынгерлік дайындығын көрсетті.

Медет Әскетаев, Әскери-әуе күштері қолбасшысының орынбасары:

- Біздің бабамыз, Қазақстан елінің қазақ елінің аса тұлғалы батыры Бауыржан Момышұлы  бүгін 115 жасқа толып отыр. Әскери-әуе күштерінде соған арналған іс-шаралар болып жатыр. Орындаған тапсырмалардың бәрі сол батыр атамыздың есіміне арналады. 

Асхат Сейілов, авиация эскадрильясының ұшқышы:

- Кеңес Одағының батыры, жауынгер жазушы, өзігің сөзімен, даналығымен, өзі айтқандай,» есімі ел жүрегінде сақталған ер ғана бақытты» демекші Бауыржан Момышұлының есімі біздің халқымызда жүрегізімде мәңгі сақтаулы. Ол –батырлықтың, адалдықтың, тәрбие мен тәртіптің символы. Бүгінгі оқу-жаттығу ұшуларын Бауыржан Момышұлының 115 жылдығына арнаймын. Бұл мен үшін үлкен мәртебе, мен үшін үлкен бақыт.