Астанада бизнес, технологиялар және креативті индустриялар туралы Freedom Inside форумы өтеді

2026 жылғы 9 сәуірде Астанада Freedom Holding Corp. ұйымдастыруымен Freedom Inside форумы өтеді. Іс-шара бір алаңда бизнес, технологиялар, медиа және креативті индустрия өкілдерін біріктіреді.

2026 жылғы 9 сәуірде Астанада Freedom Holding Corp. ұйымдастыруымен Freedom Inside форумы өтеді. Іс-шара бір алаңда бизнес, технологиялар, медиа және креативті индустрия өкілдерін біріктіреді.

Freedom Inside - технология, бизнес және мәдениет тоғысатын кеңістік ретінде ойластырылған. Күні бойы екі сахнада панельді дискуссиялар мен 30-дан астам спикердің баяндамалары өтеді, олардың қатарында кәсіпкерлер, инвесторлар, мемлекеттік құрылым өкілдері және технологиялы компаниялар бар. Қатысушылар цифрлы сервистердің дамуын, жасанды интеллектті, медианы, кәсіпкерлікті және экожүйе ішіндегі жаңа пайдаланушы сценарийлерін талқылайды.

Freedom цифрлы экожүйесінің дамуына ерекше назар аударылады, ол компанияның қаржылық және технологиялық сервистерін бір платформаға біріктіреді және пайдаланушыларға Freedom SuperApp қолданбасы арқылы қолжетімді.

Іскерлік бағдарламадан бөлек, форум қонақтарын интерактив аймақтар, технологиялық көрсетілімдер және қарым-қатынас пен нетворкингке арналған кеңістіктер күтеді.

Биыл форум бағдарламасы одан әрі күшейтіледі. Біздің арнайы қонағымыз - Димаш Құдайберген. Freedom Inside аясында ол форум сахнасында эксклюзивті сұхбатқа қатысады.

Сондай-ақ форумның маңызды оқиғаларының бірі - басты хедлайнер Moldanazar тобының өнер көрсетуі болады. Ұжым кешкі бағдарлама аясында өнер көрсетіп, іс-шараның мәдени бөлігін толықтырады.

Форум Астанадағы Тәуелсіздік сарайында өтеді.

Бағдарлама мен билеттер туралы толық ақпарат freedominside.kz сайтында бар.

Жарнамалық материал