Астанадағы ірі өрт үш жеке үй жанып жатыр

Астанадағы Толстой көшесінде қатар орналасқан бірнеше жеке үйден өрт шықты. Төтенше жағдайлар министрлігінің мәліметінше, өртті сөндіруге құтқарушылар жұмылдырылды, деп хабарлайды Tengrinews.kz.

Астанадағы Толстой көшесінде қатар орналасқан бірнеше жеке үйден өрт шықты. Төтенше жағдайлар министрлігінің мәліметінше, өртті сөндіруге құтқарушылар жұмылдырылды, деп хабарлайды Tengrinews.kz.

Өрт сөндірушілер оқиға орнына жеткен кезде екі жеке үй мен бір шаруашылық құрылыстың шатыры жанып жатқаны анықталды. Бұған дейін үш жеке үйден өрт шыққаны хабарланған еді.

Тілсіз жауды ауыздықтау үшін оқиға орнында бірнеше өрт сөндіру оқпаны іске қосылып, су үздіксіз берілді. Ведомство ақпаратына сүйенсек, өрттің қарқынды таралуы мен қою түтін сөндіру жұмыстарын қиындатқан.

Алдын ала ақпарат бойынша, зардап шеккендер жоқ.

ТЖМ кейін ашық жалын басылғанын хабарлады. Қазір жасырын жану ошақтарының алдын алу үшін конструкцияларды бөлшектеу және су шашу жұмыстары жүргізіліп жатыр.

Сондай-ақ құтқарушылар жанып жатқан аумақтан бес газ баллонын шығарып, жарылыс қаупінің алдын алды.

Өрт оқшауланды. Төтенше жағдайлар министрлігі өртті толық сөндіру жұмыстары жалғасып жатқанын мәлімдеді.

Google News арқылы жаңалықтарымызды қадағалаңыз