Астанадан Бішкек пен Самарқанға тікелей рейстер іске қосылады

АСТАНА, 15 қазан — Sputnik. Qazaq Air (Vietjet Qazaqstan) жаңа халықаралық бағыттардың іске қосылатыны туралы хабарлады.

Рейстер Астананы Бішкек және Самарқанмен байланыстырады, деп хабарлады компаниядағылар.

2025 жылдың 7 қарашасынан бастап Астана-Самарқан-Астана рейсі аптасына екі рет — жұма және жексенбі күндері орындалады.

10 қарашадан бастап Астана-Бішкек-Астана рейсі де аптасына екі рет — дүйсенбі және бейсенбі күндері орындалады.

"Орталық Азиядағы бағыттарын кеңейту бастамасы Қазақстан Республикасының Президенті Қасым-Жомарт Тоқаевтың түркі елдері арасындағы байланыстарды дамыту арқылы туризмді, сауданы, білім беру мен мәдени ынтымақтастықты күшейту жөніндегі стратегиялық бастамасымен үндес келеді", - деп хабарлады әуе компаниясы.

Астанадағы хаб арқылы әуе компаниясы жолаушыларға Бішкекке, Самарқанға, Омбы мен Новосібірге, сондай-ақ Қазақстанның түрлі өңірлеріне ыңғайлы рейстерді ұсынады.