Атырау мектептерінде жұма сайын ұлттық құндылық дәріптеледі

Атырау қаласындағы №50 жалпы орта мектепте әр жұма «Ұлттық құндылықтар күні» ретінде аталып өтеді.

Бұл күні оқушылар мен ұстаздар дәстүрлі және заманауи үлгідегі ұлттық киім киіп, мәдениетті күнделікті өмірмен сабақтастырады, – деп хабарлайды Өңірлік коммуникациялар қызметі.

- Ұлттық киім күні аясында әр аптада түрлі мазмұндағы тәрбиелік іс-шаралар ұйымдастырылады. Атап айтқанда, асық ату, ләңгі тебу, тоғызқұмалақ секілді ұлттық ойындар ойнатылып, оқушылардың танымдық және қимыл-қозғалыс қабілеттері дамытылады. Сонымен қатар сынып сағаттарында қазақ халқының салт-дәстүрлері мен киім мәдениеті таныстырылып, оқушыларға ұлттық құндылықтардың мәні түсіндіріледі, - деді мектеп директоры Амангүл Баймұханова.

Айта кетсек, аталған білім ордасында бүгінде 1400-ден астам оқушы білім алуда.

Bu gönderiyi Instagram'da gör

Атырау облысының Өңірлік коммуникациялар қызметі (@rsc.atyrau)'in paylaştığı bir gönderi

Бүгін, 21:33