Атырау мектептеріне 250 тал көшеті отырғызылады

Атырау қаласында «Таза Қазақстан» бағдарламасы аясында 20 мектептің ауласына 250 тал көшеті табысталды. Бұл бастама GPC Investment ЖШС-ның ұйымдастыруымен жүзеге асырылып отыр, деп хабарлайды Өңірлік коммуникациялар қызметі.

Компания өкілі Жарасхан Сауровтың айтуынша, бұл шара Мемлекет басшысының «Таза Қазақстан» бағдарламасын іске асыру жөніндегі тапсырмасына сәйкес қолға алынған.  

«Бағдарлама аясындағы жұмыстарды жалғастыру — баршамыздың ортақ міндетіміз. Мұндай игі бастамалар алдағы уақытта да жалғасады», — деді ол.

Жасыл көшеттерді отырғызу арқылы оқушылар туған қаласының экологиялық келбетін жақсартуға атсалысады. Сонымен қатар, бұл бастама жас ұрпақтың табиғатқа деген жанашырлығын арттырып, экологиялық мәдениетті қалыптастыруға бағытталған.

Бүгін, 18:31