Атырау облыстық сотының судьясы құрметті демалысқа шықты

Бүгін Атырау облыстық сотында судья Бағила Баймұратқызы Нұржановамен қоштасу рәсімі өтті. Әріптестері оны құрметті демалысқа шығарып салды. 

Шараға облыстық соттың төрағасы Мұхтар Парменов, алқа төрағалары, судьялар, қалалық соттардың басшылары және сот әкімшілігі қатысты.

Қазақстан Республикасы Президентінің 10 қараша 2025 жылғы Жарлығына сәйкес, Бағила Нұржанова қызметінен босатылып, құрметті демалысқа шықты.

Мұхтар Парменов судьяның сот жүйесіне сіңірген ұзақ жылғы еңбегіне алғыс айтып, демалысқа шығуымен құттықтады және денсаулық пен отбасылық амандық тіледі.

Бағила Баймұратқызы 1964 жылы Атырау облысында туған. С.М.Киров атындағы Қазақ мемлекеттік университетін «Заңгер» мамандығы бойынша бітірген. Оның еңбек жолы 43 жылға созылып, соның 32 жылдан астамы — судьялық қызметте өтті. Әр жылдары Ембі аудандық сотында, Жылыой аудандық сотында судья болып жұмыс істеді, ал 2010 жылдан бастап Атырау облыстық сотында қызмет етті.

Әріптестері Бағила Нұржанқызына жылы лебіздерін білдіріп, оған алғыс айтты.

Бүгін, 17:29