Атырауда 16 мың бала ЖРВИ жұқтырған

Атырау облысында балалар арасында жедел респираторлық вирустық инфекция өршіп тұр.

Қазір 14 жасқа дейінгі 16 457 баланың вирус жұқтырғаны анықталды. Облыстық инфекциялық ауруханаға жүгінетіндер көп. Ақ халаттылардың айтуынша, бір күнде 100 адамға дейін қабылдау бөлімінің көмегіне жүгінеді екен. Амбулаторлық ем қабылдауға болатын науқастар үйіне жіберілсе, жағдайы ауырлары ауруханаға жатқызылады. Қазірдің өзінде инфекциялық аурухана лық толы. 180 адамға шақталған медициналық мекемеде 250 науқас ем қабылдап жатыр. Олардың 150-і 1 жасқа дейінгі балалар болса, 40-тан астамы жүкті әйел. Дәрігерлер сақтықты күшейтіп, қоғамдық орындарға бармау керегін ескертеді.

Әсия Сидешова, облыстық №2 аурухана жрви бөлімінің меңгерушісі:

- Қазір аурухана толық. Бір тәулікте қабылдау бөлімінде 80-100-ге дейін науқас келіп қаралып жатыр. Соның ішінде дәрігерлерге жүктеме өте көп түсіп тұр деп айтқым келеді. Ауру басталған екен. Мысалы, 1 жасқа дейінгі балаларда, жүкті әйелдерде 2-3 күнге дейін үйде жатып қалмай, дер кезінде учаскелік дәрігерге қаралу қажет. Үйге шақыру керек, дер кезінде оның емін алу керек.