Атырауда экология мәселесі басты назарда

Атырау мұнай өңдеу зауыты былтыр 5 млн 400 мың тонна мұнай өңдеді. Жаңғыртудан өткен кәсіпорын ашық түсті мұнай көлемін 69 пайыздан 76 пайызға жеткізді.

Өнім көлемі ұлғайған сайын, экологиялық мәселе де күрделене түседі - дейді мамандар. Әсіресе зауыттан шыққан сарқынды су полигонын уақытылы құрғатып отыру маңызды. Сондай-ақ өндіріс аумағына жақын орналасқан тұрғын үйлерді көшіру керек .Өңірге сапармен барған Сенат депуттаттары Сағындық Лұқпанов пен Әлібек Нәутиев зауыт ұжымымен кездесіп, осы және өзге де мәселелерді бірлесе талқылады. Қоршаған ортаны қорғау шаралары және халық саулығы басты назарда болуы керек, - дейді олар.

Әлібек Нәутиев, ҚР Парламенті Сенатының депутаты:

- Бұл туралы айтылғанына бірнеше жыл болды. Ағынды сулар қаланың жартысын алды. 70 пайызын. Оның тек жартысы ғана тазаланып болыпты. Бірақ әлі күнге дейін халық осы мәселені көтеріп отыр. Халық екінші көтерген мәселесі ол – тұрғын үйлерді көшіру, санитарлық аймақты кеңейту мәселесі. Мәліметтерге сүйенсек, әлі де болса 600 метрден 900 метрге кеңейетін түрі бар. Көшіру мәселесі орындалса, біз үшін де халық үшін де жақсы болады.