​Атырауда полигондағы өрттен кейін ауаның ластанғаны анықталды

Атыраудағы қоқыс полигонында шыққан өрттен кейін ауа сапасына қатысты тексеріс жүргізілді. 

7 сәуір күні таңғы 08:30-да Солтүстік өнеркәсіптік аймақтағы түтін туралы хабар түскен. Оқиға орнына құтқарушылар мен коммуналдық қызметтер дереу жұмылдырылды.

Экология департаментінің мамандары санитарлық-қорғау аймағынан тыс жерде атмосфералық ауаны зерттеп, көміртек оксидінің мөлшері көтерілгенін анықтады. Сонымен қатар аммиак, күкірт диоксиді және азот диоксиді бойынша да өлшеу жүргізілген.

Метеорологиялық жағдай: жел оңтүстік-шығыстан соғып тұр, ауа температурасы +15°C, ылғалдылық 38%, қысым 763 мм сынап бағанасы.

Қорытындысында, көміртек оксидінің концентрациясы жоғарылағандықтан тиісті шаралар қабылданатыны айтылды. Экология департаменті ауа сапасын тұрақты бақылауда ұстайтынын мәлімдеді.

Бүгін, 15:22