Атысты тоқтату келісімі: Газа қаласына шамамен 250 мың адам оралды

— Бүгін атысты тоқтату келісімінен кейін шамамен 250 мың адам Газа қаласына оралды, — деді радикалды палестиналық қозғалыстың бақылауындағы агенттік өкілі. 

Ол Израиль армиясы бұған дейін бейбіт тұрғындар үшін «өте қауіпті» деп жариялаған анклавтың солтүстік аймақтарына тағы 200 мың палестиналық оралғанын айтты.

9 қазанда Израиль мен ХАМАС өкілдері АҚШ президенті Дональд Трамп ұсынған бейбітшілік жоспарының бірінші кезеңін жүзеге асыру туралы келісімге қол қойды. Бұл кезең жақын арада барлық кепілге алынғандарды босатуды және Израиль әскерлерін Газа секторындағы келісілген сызыққа шығаруды көздейді.

Бұған дейін Израильдің Газадағы шабуылдары тоқтатылғандығы жөнінде жаздық.