Ауыл әкімдерінің құрамы 60% ға жаңарды

Қазіргі ауыл әкімдерінің 60 пайызға жуығы осы қызметке алғаш рет сайланған азаматтар.

Бұл жайлы ауыл әкімдерінің форумында Мемлекет басшысы баса айтты. Қасым-Жомарт Тоқаев "бұл жергілікті билік құрамы біршама жаңарды деген сөз. Алайда сайлауда жеңіске жету алдағы үлкен жұмыстың басы ғана", деді. Бұдан бөлек ел президенті әкімдердің арасында бұрын билік жүйесінде жұмыс істемеген мемлекеттік қызметкерлердің бар екеніне тоқталды. Сондықтан оларды қолдау, біліміне білік қосатын жобаларды жүзеге асыруды тапсырды.  "Ауыл-аймақтарды басқару, көшбасшылық қабілетті дамыту мәселесі назардан тыс қалған. Ал бұл жұмыспен ең алдымен Мемлекеттік қызмет істері агенттігі шұғылдануы керек. Құзырлы министрлікпен бірлесіп, ауыл әкімдерін даярлауға белсенді түрде кірісу қажет", деді Қасым-Жомарт Тоқаев.