Ауылдарда пошта байланысында проблема болуы мүмкін сенатор

Депутат «Қазпошта» АҚ заң бойынша ұлттық оператор ретінде субсидиялауға жататын ауылдарға мерзімді басылымдарды жеткізумен қоса әмбебап қызметтерді қамтамасыз етуге міндетті екенін атап өтті. Алайда, бөлінген нақты қаржы шығындарды өтемейді, бұл оператордың қаржылық тұрақтылығына үлкен жүктеме тудырады. «Қазпошта» тиісті сомада қаржыландырылмаған жағдайда бөлімшелердің жабылу қаупі бар. Бұл тұрғындардың ақпарат пен мемлекеттік қызметтерге қолжетімділігін шектейді.

- Мемлекеттік бағдарламалардың іске асырылуына қарамастан, шалғайдағы және қол жеткізу қиын ауылды елді мекендердің басым санында тұрақты кең жолақты интернет жоқ немесе айтарлықтай үзілістермен жұмыс істейді. Мұндай жағдайларда мерзімді баспа басылымдары сенімді ақпарат алудың жалғыз көзі саналады. Интернеттің болмауы және пошта маршруттарының қысқаруы жағдайында шалғайдағы тұрғындар «ақпараттық оқшаулануда» қалып қоюы мүмкін. Әсіресе, бұл жағдай мемлекеттік ақпараттық саясатты іске асыру кезеңінде және сайлау кезеңінде, оның ішінде жалпыұлттық референдумға дайындық жағдайында өте маңызды», - деді Әлібек Нәутиев.

Сонымен қатар сенатор жағдайды Сенаттың салалық комитетіндегі талқылауда бірыңғай мемлекеттік ұстанымның жоқтығы анықталғанын айтты.

- Үкімет ауылдық жерлерде әмбебап байланыс қызметтерін толық көлемде субсидиялау мәселесін шешу қажет және балама қолдау тетіктерін енгізу мүмкіндігін қарастыру керек. Баспа қызметі мен логистика арасындағы тікелей байланысты қамтамасыз ете отырып, құзыретті министрлікке мерзімді басылымдарды жеткізуді субсидиялау жөніндегі құзыретті бекіту бөлігінде «Масс-медиа туралы» заңға түзетулер енгізуді қамтамасыз ету маңызды. Тиісті мемлекеттік органдардың қатысуымен ұлттық пошта операторының өзекті мәселелерін қарау және оң қаржылық тұрақтылықты қамтамасыз ету үшін оларды шешу жолдарын табу керек», - деді депутат.

Айта кетейік, бұған дейін Үкімет Қазпоштаны қолдау тетіктерін пысықтап жатқанын жазған едік.