Сенатор Ақмола облысындағы теміржол станцияларында болуы мүмкін проблеманы көтерді

Ол «Ақкөл» және «Жақсы» станцияларындағы әлеуметтік маңызы бар бағыттардағы аялдамаларды жою туралы шешімге қатысты болып отыр.

Осы орайда сенатор Талғат Жүнісов Үкімет басшысының бірінші орынбасарының атына жолдаған депутаттық сауалында осы мәселеге назар аударды.

Оның айтуынша, «Ақкөл» станциясы Ақкөл ауданының ғана емес, Степногорск қаласының, сондай-ақ жақын маңдағы елді мекендердің тұрғындарына көлік тасымалын қамтамасыз етеді. Жалпы алғанда, ол 100 мыңнан астам адам және олардың көлікпен қатынасы теміржол арқылы ғана жүзеге асады. Оларға теміржол көлігі қозғалыстың негізгі түрі саналады.

Сенатор Жақсы ауданындағы жағдайға ерекше тоқталды. Онда жолаушылар пойыздары енді тоқтамай өтіп кететін болды. Шамамен 16 мың адам тұратын бұл аймақтағы студенттер, зейнеткерлер және пациенттермен қоса тұрғындардың едәуір бөлігі басқа өңірге бару үшін теміржол көлігін тұрақты түрде пайдаланады.

- Жолаушылар пойыздарының аялдамаға тоқтамай өтіп кетуі өңірдегі көлікпен тасымалдың шектелуіне, халыққа қаржы ауыртпалығының ұлғаюына және азаматтардың медициналық, білім беру және өзге де әлеуметтік маңызы бар қызметтерді алу мүмкіндігінің азаюына әкеледі, - дейді Талғат Жүнісов.

Сенатор бұл шешім қазірдің өзінде қоғамдық ауқымды дүрбелең туғызғанын және өңірдегі әлеуметтік шиеленісті күшейтетінін, осыған байланысты аталған станцияларда жолаушылар пойыздарының аялдамаларын сақтау мүмкіндігін қарастыру қажеттігін атап өтті.

Айта кетейік, биыл 3700 шақырымнан астам жаңа теміржол желілері төселіп, пайдалануға беріледі.