Автокөлікті сатуға қалай дұрыс және арзан дайындауға болады сарапшының кеңестері

Кез келген көлік иесі өмірінде бір рет болсын көлік сату мәселесіне тап болады. Бір қарағанда бәрі оңай көрінеді: бірнеше суретке түсіріп, хабарландыру жарияласаң болды - сатып алушы бірден табылатындай. Бірақ іс жүзінде бұл процесс апталарға, кейде тіпті айларға созылып кетеді.

Кез келген көлік иесі өмірінде бір рет болсын көлік сату мәселесіне тап болады. Бір қарағанда бәрі оңай көрінеді: бірнеше суретке түсіріп, хабарландыру жарияласаң болды - сатып алушы бірден табылатындай. Бірақ іс жүзінде бұл процесс апталарға, кейде тіпті айларға созылып кетеді.

Tengri Auto тілшісі сарапшыдан көлікті сатуға қалай дайындау керек екенін, оның өтпей тұрып қалмауы үшін не істеу қажет екенін және тәжірибесіз сатушылар қандай қателіктер жіберетінін білді.

Артық шығын шығармас үшін неден бастау керек?

Сарапшы Анатолий Русевтің айтуынша, көлікті сатпас бұрын ең құрығанда негізгі ақауларын реттеп алған жөн.

Тіпті болмашы ақаулар, сызаттар, үйкелген жерлер немесе техникалық жағынан туындайтын мәселелер әлеуетті сатып алушыны үркітуі немесе бағаны едәуір түсіруге себеп болуы мүмкін.

Оның сөзінше, көліктің ұқыпты түрі мен дұрыс техникалық күйі оны тезірек және тиімді бағаға сату мүмкіндігін айтарлықтай арттырады.

Анықтама: Анатолий Русев - автоблогер, "Руки в Масле" арнасының авторы

Сату алдында көлікті көтеріп, барлық кемшіліктердің тізімін жасап алған дұрыс.

Сарапшы тек сын көтермейтін, шұғыл жөндеуді қажет ететін тұстарына ғана ақша жұмсауға кеңес береді.

"Егер жүрісі сықырлап немесе Check Engine жанып тұрса - бұл сатып алушылардың 80 пайызын үркітіп жібереді. Сондай-ақ шанақ пен қозғалтқыш бөлігін мұқият жуу керек. Тек таза көліктен ғана жасалуы тиіс косметикалық жұмыстардың нақты көлемін көре аласыз", - деді Анатолий.

Өзін-өзі ақтайтын шығындар мен үнемдеу

Сарапшы сату алдында ұсақ-түйек болса да, көзге бірден түсетін кемшіліктерді жою маңызды деп есептейді. Оның айтуынша, мұндай инвестициялар әдетте өзін-өзі ақтайды.

"Егер шанақтың түсі оңып, "шаршаған" болса, жеңіл жылтырату реңін кіргізеді және шығынды еселеп қайтарады", - дейді сарапшы.

Анатолий тюнингке артық шығынданбауға, сондай-ақ жаңа мультимедиа орнатуға немесе әлі де жұмыс істеп тұрған тораптарды күрделі жөндеуден өткізуге кеңес бермейді. Мәселен, ГРМ белдігін жаңартсаңыз, сатып алушы оны тиісті жағдай ретінде қабылдайды, бірақ бағаны айтарлықтай көтермейді.

Сыртқы келбет және химиялық тазалау

Сарапшының айтуынша, көлік сатуда әлі де "киіміне қарай қарсы алу" принципі жұмыс істейді. Сондықтан көлікті көрсетпес бұрын оны толық жуып, химиялық тазалаудан өткізген дұрыс. Бөгде иіссіз, тап-таза салон көлікке жақсы күтім жасалған және дұрыс қызмет көрсетілген деген әсер қалдырады.

Ал лас интерьер, дақтар немесе темекі иісі, керісінше, техникалық бөлікті тексермей тұрып-ақ сатып алушыда көліктің жалпы күйіне қатысты күмән тудырады.

"Сату алдындағы дайындық көлік бағасын 5–10 пайызға көтеруі немесе сату процесін бірнеше есе жылдамдатуы мүмкін", - деді ол.

Техникалық ақаулар: жөндеу керек пе әлде айтқан дұрыс па?

Көбіне сатушы сатып алушыны көлігінің мінсіз күйде екеніне сендіре бастайды, бірақ іштей жаңа иесінде қандай мәселелер туындауы мүмкін екенін жақсы біледі.

Сарапшы ұсақ кемшіліктерді жасырмай, оларды бірден көрсетуге кеңес береді. Оларды жөндеу үшін саудаласу кезінде аздап жеңілдік жасаған абзал, бұл сатып алушының сенімін тудырады. Әрине, бұл тек шағын мәселелерге қатысты: мысалы, айна жылытқышының істемеуі немесе алдыңғы әйнектің кішкене шытынауы.

Бірақ сату алдында міндетті түрде түзетілуі керек ақаулар да бар. Бұл ең алдымен қауіпсіздік пен техникалық күйге қатысты - мысалы, тежегіш мәселелері немесе майдың ағуы. Мұндай ақаулар сатып алушыларды үркітіп қана қоймай, саудаласу кезінде көлік құнын айтарлықтай төмендетуі мүмкін.

Көлік иелері жіберетін қателер

Хабарландыруды оқу кезеңінде-ақ сатып алушыны суытып жіберетін жайттар бар.

Сарапшы сатушылар жиі жіберетін үш қателікті атап өтті:

Жылтыратып жуылған қозғалтқыш: ескі көліктің тым тап-таза қозғалтқышы кездесу алдында май аққан жерлерін жуып тастаған-ау деген ойға қалдырады. Сапасыз суреттер: гараждардың фонындағы, лас көліктің немесе қас қарайғанда түсірілген суреттер. Сипаттамадағы орынсыз дөрекілік: "Алыпсатарлар хабарласпасын" немесе "Сауда тек капот алдында" деген сияқты сөз тіркестері көбіне байсалды адамдарды да шошытады. Нарықтағы құнын қалай анықтауға болады?

Анатолий хабарландыруда көрсетілетін бағаны қалай дұрыс есептеу керектігін айтты. Нарықтағы ең жоғары бағаларға сүйенудің қажеті жоқ. Егер сіз бағаны тым асыра сілтеп қойсаңыз, көлігіңізді бір айдан аса уақыт сатуыңыз мүмкін.

5-7 ұқсас хабарландыру тауып, солардың орташа бағасын шығару және сол бағамен сату ұсынылады. Дегенмен, автокөлік сататын сайттар пайдаланушыларға ыңғайлы болу үшін бұл "орташа" бағаны көбіне өздері шығарып береді.

"Егер тез сатқыңыз келсе - бағаны нарықтағы орташа көрсеткіштен сәл төмендетіңіз. Егер көлік мінсіз күйде болса - жоғарғы сегментке қойыңыз, бірақ бұл бағаны көліктің жай-күйімен дәлелдеуге дайын болыңыз", - дейді ол.

Құжаттар және техникалық қызмет көрсету тарихы

Анатолий Русев "сенім - бұл валюта" деп санайды, сондықтан сату алдында барлық құжатты дайындау керек.

Атап айтқанда:

Сервистік кітапша немесе чектер мен тапсырыстар жинақталған папка.

"Тіпті дилерде қызмет көрсетілмеген күннің өзінде, қосалқы бөлшектерге алынған чектер шығын материалдарынан ақша аямағаныңызды дәлелдейді", - деді ол.

Мәліметтер базасынан алынған таза есеп.

"Көліктің айыппұлдары мен шектеулері бар-жоғын алдын ала тексеріп алыңыз".

Кілттің екі жиынтығы.

"Бұл сатып алушы үшін әрқашан үлкен артықшылық болып саналады", - деп түйіндеді сарапшы.

Сәтті сатудың басты құпиясы - шынайылық. Анатолийдің сөзінше, сатып алушы мінсіз көлік емес (қолданылған көліктер нарығында ондайлар болмайды), өз автокөлігінің тарихы мен пайдалану ерекшеліктері туралы ашық айтып беретін жүргізушіні іздейді.

Google News арқылы жаңалықтарымызды қадағалаңыз

Жазылу