Автолизинг бағдарламасының толыққанды іске қосылуына не кедергі?

Мемлекет басшысының тікелей тапсырмасымен қолға алынған жеке тұлғаларға арналған автолизинг бағдарламасы бүгінде отандық автонарықтағы ең көп талқыланатын тақырыптың біріне айналды. Өткен жылдың желтоқсанында іске қосылған автолизинг тетігі несиеге балама ретінде ұсынылғанымен, әзірге жаппай сипат ала қойған жоқ. Азаматтардың қызығушылығы бар, алайда құқықтық түйткілдер қаржы құралын толық іске қосуға кедергі келтіріп отыр, деп жазады Egemen.kz.

Фото: freepik

Қазақстанның өнеркәсіптік инвесторлар одағының президенті Қайрат Еламановтың айтуынша, Үкіметпен бірлесіп ауқымды дайындық жұмыстары жүргізілген. Ішкі сауда қағидаларына өзгерістер енгізіліп, мемлекеттік органдардың қажетті түсіндірмелері алынған.

Сала өкілдерінің сөзінше, бағдарлама тоқтап тұрған жоқ. Іске қосу жұмыстары өткен жылдың соңынан бері жалғасып келеді. Дегенмен бір мәселе түбегейлі шешілмей отыр.

Қайрат Еламанов атап өткендей, егер көлікті лизинг арқылы рәсімдеген жүргізуші жол қозғалысы ережесін бұзса, айыппұл автоматты түрде көлік иесі ретінде лизингтік компанияға келеді. Айыппұл уақытында төленбеген жағдайда компанияның шоттары бұғатталуы мүмкін. Бұл – әрі компания, әрі клиент үшін тәуекел. Дәл осы құқықтық олқылық автолизингтің белсенді дамуын тежеп отыр.

Соған қарамастан бағдарламаға қызығушылық бар. Дилерлік орталықтар, өндірушілер мен дистрибьюторлар азаматтардан өтініштерді қабылдап жатыр.

Автолизинг бағдарламасы көпшіліктің сұранысын өтей ала ма?

Маңызды жайт – автолизинг нарықтық талаптармен жұмыс істейді, яғни бұрынғы субсидияланған автонесие бағдарламаларындағыдай кепілдендірілген жеңілдіктер қарастырылмаған. 24.kz мәліметінше, бұл құралдың тартымдылығы оның шарттарына, мөлшерлемесіне және икемділігіне байланысты болмақ.

Автосарапшы Алексей Алексеевтің пікірінше, лизинг көлік сатып алудың қосымша әрі тиімді тәсіліне айналуы тиіс. Оның айтуынша, егер лизинг шынымен тиімді болса, автосату көлемі артып, елдегі автопарк жаңарады. 

Сарапшылардың бағалауынша, автолизинг нарықтан өз орнын таба алады. Алайда оның кең таралуы үшін:

Құқықтық олқылықтарды жою; Рәсімдерді нақтылау; Қаржылық тұрақтылықты күшейту қажет.

Қысқаша айтқанда, автолизингтің несиеге толыққанды баламаға айналуы құқықтық мәселелердің қаншалықты жедел шешілетініне байланысты. 

Автолизинг бағдарламасы іске қосылып, мөлшерлеме төмендетілді

Соңғы жаңалықтар

Ирандағы отандастарымыз қай елдер арқылы эвакуацияланады?

Әлем • Бүгін, 13:00

«Стрептоцидке» тыйым салынды: Препарат енді Қазақстан дәріханаларында сатылмайды

Денсаулық • Бүгін, 12:52

Дубайдан Оман арқылы 467 отандасымыз елге жеткізіледі

Қоғам • Бүгін, 12:47

Автолизинг бағдарламасының толыққанды іске қосылуына не кедергі?

Қоғам • Бүгін, 12:40

Теміртау тұрғындары қақаған аязда жылусыз отыр

Қоғам • Бүгін, 12:37

Бибісара Асаубаева әлемдік рейтингте тоғызыншы орынға көтерілді

Шахмат • Бүгін, 12:28

2029 жылға дейін 10 мың шақырым автожолға жөндеу жүргізіледі

Қоғам • Бүгін, 12:01

Астанада алғаш рет семсерлесуден Әлем кубогінің кезеңі өтеді

Спорт • Бүгін, 11:48

Петропавлда пәтер ұрысы бейнебақылаудың арқасында қолға түсті

Аймақтар • Бүгін, 11:37

Мемлекет басшысы Болгария президентіне құттықтау жеделхатын жолдады

Президент • Бүгін, 11:23

Жемқорлардан тәркіленген қаражат есебінен 81 мектеп салынды

Жемқорлық • Бүгін, 11:20

Еурохаттаманы толтырудың тәртібі қандай?

Қоғам • Бүгін, 11:12

Ерлан Қарин Президенттің неге Тәуелсіздік пен Егемендік сөздерін бас әріппен жазатынын түсіндірді

Тәуелсіздік • Бүгін, 11:07

«Отбасы банк»: 600 мыңға жуық адам мемлекеттік сыйақы алды

Банк • Бүгін, 10:52

Жеті жылда негізгі капиталға салынған инвестиция көлемі екі есеге жуық өсті

Экономика • Бүгін, 10:45

Барлық жаңалықтар