Баспанаға қажетті жиһаз, тұрмыстық техника сияқты ілеспе тауарларға сұраныс артты Ұлттық банк

- Қазақстан экономикасы тез өсіп келеді. Жалпы ішкі өнімнің биылғы 8 айдағы өсімі 6,5 пайызға жетті. Көлік, құрылыс, сауда салаларында және тау-кен өндіру, өңдеу өнеркәсібінде жоғары өсім байқалады. Халықтың тауарлар мен қызметтерге сұранысы тұрақты. Нақты кірістің төмендеуінен тұтынушылық кредиттеу мен жинақталған қаражатты ықтимал пайдалану есебінен сұраныс аясы кеңейді. Бөлшек сауданың да өсу қарқыны жеделдеді. Оған негізгі үлес қосқан – азық-түлікке жатпайтын тауарлардың сатылуы. Мемлекеттік тұрғын үй бағдарламаларын іске асыру есебінен тұрғын үйге сұраныс артты. Соның салдарынан жиһаз, тұрмыстық техника сияқты ілеспе таураларға сұраныс көбейді. Бұл да бағаның өсуіне қосымша қысым көрсетті, - деді Ұлттық банк басшысы.

Оның айтуынша, инвестициялық белсенділік жеткілікті деңгейде жоғары. Қаңтар-тамыз айларында өсім 14,3 пайызды құрады. Инвестициялар құрылымында бюджет қаражатының үлесі жалпы көлемнің 23 пайызына жетті. Өткен жылдың осы кезеңімен салыстырғанда олардың көлемі 42,6 пайызға ұлғайды.

- Іскерлік белсенділік индексі 2024 жылғы наурыздан оң аймақта болып, іскерлік ортаға қатысты кәсіпорындардың оптимизмін көрсетті. Экономика ішіндегі үрдістер бағаға жоғары қысымның сақталып отырғанын көрсетті. Бұл қазіргі инфляция динамикасынан көрініс тауып отыр, - деді Тимур Сүлейменов.

Бұған дейін Ұлттық банкінің Ақша-кредит саясаты комитеті базалық мөлшерлемені +/- 1 п. т. дәлізімен жылдық 18 пайыз деңгейінде белгілеу туралы шешім қабылдаған еді.