Батыс Қазақстанда кәмелетке толмағандар 200 ден астам заң бұзушылық жасады

АЛМАТЫ, 11 қаңтар - Sputnik. Батыс Қазақстанда кәмелетке толмағандар 200-ден астам заң бұзушылық жасады, деп хабарлайды "Мой город" порталы.

Облыстық полиция департаменті таратқан ақпаратқа сүйенсек, ішкі істер органдарына 130 кәмелетке толмаған жеткізілген.

Оның 126-сы әкімшілік құқық бұзған. Қалғаны қараусыз қалған екен. Үш кәмелекетке толмаған адаптациялық орталыққа орналастырылыпты. Іс-шара барысында жалпы 205 әкімшілік құқық бұзушылық анықталған. Оның ішінде:

Ата-аналардың немесе заңды өкілдердің тәрбиелік міндеттерін орындамауы-15;

Кәмелетке толмағандардың түнгі уақытта ойын-сауық орындарында болуы-8;

Алкоголь өнімдерін сату талаптарын бұзу-5;

Алкогольді ішімдіктерді ішу немесе қоғамдық орындарда мас күйде болу-2;

Кәмелетке толмағандардың түнгі уақытта заңды өкілсіз немесе тұрғынжайдан тыс жерде болуы - 176 дерек тіркелген.

Тәртіп сақшыларының таратқан ақпарына сүйенсек, бес жанұя профилактикалық есепке қойылған.

Есепте тұрған 235 отбасы және тізімдік есеп тұрған 155 кәмелекетке толмаған жас тексерілген.