Батыс Қазақстанда тұрғын үйде екі адам өртеніп кетті

АЛМАТЫ, 9 қаңтар – Sputnik. Батыс Қазақстан облысы Бәйтерек ауданының Көшім ауылында екі адам өртеніп кетті, деп хабарлайды облыстық төтенше жағдайлар департаменті.

Қайғылы жағдай 7 қаңтар сағат 20:11-де болған.

"5 шаршы метр аумақ өртенген. Өрт сөндірушілер мен полиция екі адамның мәйітін алып шықты", - дейді құтқарушылар.

Марқұмның бірі әйел, екіншісі ер адам. Олардың кім екені анықталып жатыр, дейді төтенше жағдай мамандары.

Қазіргі уақытта өрттің себебі анықталуда. Өрт-техникалық сараптама жасалады.