Павлодар облысында тұрғын үйде ер адам өртеніп кетті

АЛМАТЫ, 11 қаңтар - Sputnik. Павлодар облысы Екібастұзда жеке тұрғын үй өртенді, зардап шеккендер бар, дейді облыстық төтенше жағдайлар департаменті.

Өрт сөндірушілер үйден үш әйелді құтқарды, бір адамның мәйіті табылды. Қайғылы оқиға 8 қаңтар сағат 20:30 шамасында болған.

"Үш әйел құтқарылып, жедел жәрдем бригадасына тапсырылды. 1984 жылы туған ер адамның денесі табылды. Өрт сағат 21:37-де толығымен сөндірілді. Өрттің себебі анықталып жатыр", - деп хабарлады өрт сөндірушілер.

Төтенше жағдай мамандары өрт қауіпсіздігі ережелерін қатаң сақтау қажеттігін ескертті.