Павлодар облысында тұрғын үйде өрттен екі бала қайтыс болды

АЛМАТЫ, 15 қаңтар - Sputnik. Павлодар облысы Ертіс ауылында жеке тұрғын үй өртеніп, төрт бала зардап шекті, деп хабарлайды облыстық төтенше жағдайлар департаменті.

"Бүгін сағат 08:33-те Павлодар облысы "101" қызметіне Ертіс ауылында орналасқан жеке тұрғын үйдегі өрт туралы хабарлама келіп түсті. Өрт сөндірушілер үш минутта оқиға орнына жеткен. Олар келгенде тұрғын үй толығымен отқа оранған".

Өрт сөндірушілер жанып жатқан үйден төрт баланы алып шығып, жедел жәрдем бригадасына тапсырған.

Алайда өкінішке орай кәмелетке толмаған екі бала ауруханада қайтыс болды.

Қазіргі кезде өрттің шығу себебі анықталып жатыр.