Бейжіңде Әйелдердің ғаламдық саммиті аяқталды

Іс-шараға Қытай Халық Республикасының Мемлекеттік Кеңес мүшесі, Қытай Әйелдер федерациясының төрайымы Шэнь Ицинь және БҰҰ-ның «БҰҰ-әйелдер» құрылымының атқарушы директоры, БҰҰ хатшылығының орынбасары Сима Сами Бахус қатысып, сөз сөйледі.

Шэнь Ициньнің айтуынша, Қытай жариялаған әйелдер ісінің жаһандық дамуын қолдау бойынша бес практикалық іс-шара үлкен державаның жауапкершілігін көрсетеді және олар саммит қатысушыларының жоғары бағасын алды.

ҚХР Мемлекеттік Кеңесінің мүшесі Қытай басқа елдермен бірлесіп, саммит барысында пайда болған маңызды бастамалар мен стратегиялық консенсустарды нақты іс-әрекеттерге айналдыруға дайын екенін атап өтті. Ондағы мақсат –әйелдерге армандарын көбірек жүзеге асыруға және табысқа жетуге көмектесу.

Самамиттің жабылу рәсіміне жүзден аса елдің және халықаралық ұйымдардың шамамен 800 делегаты қатысты. Шешімдер мен қорытындыларда, 46 ел мен халықаралық ұйымның жетекшілері мен өкілдері пленарлық сессияда сөз сөйлеп, бұл саммитті халықаралық әйелдер қозғалысының тарихындағы жаңа белес деп атады және әйелдердің жан-жақты даму үдерісін жеделдетуге бағытталған нақты қадамдар жасауға уәде берді.

Айта кетсек, Атырау облысының Индер ауданында ауыл әйелдерінің аймақтық форумы өткенін хабарлағанбыз.