Цифрландыру тәжірибесі: ЖАСҰО мамандары кәсіпорынның маңызды өнімдері туралы айтып берді

Жол активтері сапасы ұлттық орталығы халықаралық Qaztraffic көрмесіне қатысып жатыр.

Жол активтері сапасы ұлттық орталығы халықаралық Qaztraffic көрмесіне қатысып жатыр.

ЖАСҰО құрылғалы бері қызметіне цифрлық және автоматтандырылған технологияларды біртіндеп енгізіп келеді. ЖАСҰО мамандары қолға алынған технологиялық өнімдер туралы айтып берді. ЖАСҰО Цифрландыру басқармасының бас маманы Кирилл Гриненко KazRoad VR виртуалды жаттықтырғыш қалай жұмыс істейтінін баяндады. Инновация жол саласында оқыту, аттестациядан өту және емтихан өткізу сынды қызметтерді атқаруға мүмкіндік бермек.

"Бұл жаттықтырғыш Қазақстан үшін ноу-хау өнім саналады, яғни компаниямыздың ресми патенті. Ол еліміздің бірқатар университетінде қолға алынды. Өзбекстан, Ресей мен Германия елдеріндегі шетелдік серіктестеріміз де оған қызығушылық танытып отыр", - дейді Кирилл Гриненко.

ЖАСҰО сапа бақылауы бөлімінің басшысы Азамат Шубеков болса, сынамаларды QR-кодтау жүйесі не үшін енгізілгенін айтып берді.

"KazRoadLab деп аталатын бағдарламада инженерлердің сапары мен жол-құрылыс материалдары туралы барлық дерек бар. Сынамаларды мамандар іріктеп алып, арнайы пакеттерге салады, одан соң оларға QR-код жабыстырылады. Бұл шара ауыстыру жағдайларын болдырмауға бағытталған", - дейді Шубеков.

ЖАСҰО жұмысы лабораториялық зерттеулер саласында да біршама ілгерілеген.

"Сынақтар жүргізген кезде бағдарлама таразылардағы деректерді есептейді, сөйтіп олар жүйеге жолданады. Деректерді түзеу немесе ақпараттарды ауыстыру мүмкіндігі ешкімде жоқ", - деп атап өтті ЖАСҰО астаналық лабораториясының меңгерушісі Дархан Арықпаев.

Сонымен бірге орталықтың ведомстволық сараптамасының жаңартылуы да ерекше назарда. ЖАСҰО цифрлық құжаттарды енгізу бойынша маңызды жұмыс атқарды, кәсіпорын «бір терезе" тәсілі арқылы ведомстволық сараптама порталын жасап шығарды.

"Барлық жұмыс портал арқылы іске асады: әр кезеңнің цифрлық ізі қалады. Үш кезеңнің барлығынан өткен жағдайда тиісті қорытынды шығады. Ол автоматты түрде жасалады, тапсырыс беруші оны порталдан да жүктеп ала алады", - дейді ЖАСҰО ведомстволық сараптама бөлімінің басшысы Марат Валиев.

Қазіргі таңда орталықта ел президенті енгізуді тапсырған Е-JOLDAR жүйесін жасау аяқталып жатыр. Алты модульдан (Жол паспорты, Қоғамдық бақылау, Ситуациялық орталық, Жолдарды жөндеу, Сараптама) тұратын платформа 2026 жылы іске қосылады деп жоспарланып отыр.

"Жол активтері сапасының ұлттық орталығы" РМК ұсынған материал