Дәулет Кәрібек, Құрылтай депутаты, Әділет партиясы фракциясының мүшесі: Ұлт болып ұйысып, жұрт болып жұмыла білсек...

Себебі біз еліміздің басты саяси оқиғасына елеулі өзгерістерді жүзеге асырып, мемлекеттік басқару жүйесіндегі түбегейлі реформаларды табысты орындап, төрт құбыламыз теңеліп келдік. Президент биылғы Жолдауында жаңа тарихи кезеңдегі Қазақстанның негізгі мақсаттарына тоқталды.

Жолдаудың өзегінде тұрған тақырып – ауқымды құрылыс. Алқалы жиында Мемлекет басшысы еліміздің әр аймағында әлеуметтік маңызы бар нысандардың жаппай құрылысы басталатынын мәлімдеді. Бұл – жаңа мектептер, ауру­ханалар, мәдениет және спорт нысандары ашылып, халықтың тұрмысы айтарлықтай жақсарады деген сөз.

Тағы бір іргелі бастама – цифрлық экономика. Шын мәнінде, озық техно­логияларды, соның ішінде жасанды ин­тел­лектіні дамыту – мемлекеттің негізгі басымдықтарының бірі. Президент озық шешімдерді ұлттық экономикаға кешенді енгізудің маңызы мен бағдар­ларын айқын­дап берді. Соны­мен қатар Мемле­кет 

бас­­шы­сы Қа­зақ­стан­ның тран­зиттік әлеуетін еселей түсу­дің маңызына айрықша тоқ­тал­ды.  Қазіргідей алма­ғайып заманда теңіз арқылы тасымал бағыттары сын-қатерге толы екені жасырын емес. Мұндай кезде құрлық арқылы жүк тасымалына сұраныстың арта түсетіні сөзсіз. Мемлекет басшысы осы тарихи мүмкіндікті қалт жібермеуіміз қажет екенін атап өтті.

Жалпы, Жолдауда экономикадан бөлек, қоғамның барлық саласы қам­тылған. Мәселен, мұнда Салық код­ексіне өзгерістер енгізу, қаржы саласын реттеу, мемлекеттік қызмет саласын реформалау, мұғалім мәртебесін көтеру, құрылыс сапасын қатаң бақылауда ұстау сияқты айрықша маңызды бастамалар көтерілді. Бүкіл қоғам ел дамуының бағыт-бағдарын жіті түсінуі үшін осы құжатты мұқият оқуға тиіс. Түпкі мақсат – халықтың әл-ауқа­ты екені айқын. Бұл – халықтың табысын арттырып, келер ұрпаққа қуатты әрі ықпалды мемлекетті аманат етіп қалдыру.

Біз ұлт болып ұйысып, жұрт болып жұмыла білсек, осы міндетті орын­дайтынымыз анық.