ЕАЭО да көкөністің кейбір түрлері маусымаралық кезеңде кедендік баждан босатылды

АСТАНА, 10 сәуір – Sputnik. Еуразиялық экономикалық комиссия кеңесі бөлшек саудада сатылатын көкөністің кейбір түрлерін кедендік баждан босату түрінде тарифтік жеңілдік енгізу туралы шешім қабылдады, деп хабарлады комиссия.

"Қордың таусылуына байланысты маусымаралық кезеңде көкөніс нарығында баға едәуір құбылады. Қабылданған шара ішкі нарыққа көкөністі көбірек жеткізіп, халық үшін бағаны қолжетімді етуге мүмкіндік береді", – деді ЕЭК-тің сауда министрі Андрей Слепнев.

Атап айтқанда, жеңілдік мынадай жеткізілімдерге қатысты жасалады:

Қазақстанға 100 мың тоннадан, Қырғызстанға 50 мың тоннадан аспайтын көлемде картоп;

Арменияға 5 мың тоннадан, Қазақстанға 100 мың тоннадан аспайтын көлемде пияз;

Беларуське 600 тоннадан, Қырғызстанға 500 тоннадан аспайтын көлемде түсті орамжапырақ пен брокколи;

Қазақстанға 35 мың тоннадан аспайтын көлемде ақ қырыққабат;

Қазақстанға 30 мың тоннадан аспайтын көлемде сәбіз;

Қырғызстанға 400 тоннадан аспайтын көлемде қияр;

Беларуське 200 тоннадан, Қырғызстанға 200 тоннадан және Ресейге 6,6 мың тоннадан аспайтын көлемде баклажан;

Беларуське 5,2 мың тоннадан, Қырғызстанға 2 мың тоннадан және Ресейге 27 мың тоннадан аспайтын көлемде тәтті бұрыш.

Жеңілдік 2026 жылдың 30 маусымына дейін қолданылады.

Сондай-ақ 2026 жылдың 31 мамырына дейін Қырғызстанға 5 мың тоннаға дейін қызанақ әкелуге тарифтік жеңілдік берілді.

Шешім ресми жарияланған күннен бастап 10 күннен кейін, яғни 19 сәуірде күшіне енеді.