ЕАЭО елдері түгелге жуық ұлттық валюталармен есеп айырысып жатыр Путин

АЛМАТЫ, 29 мамыр – Sputnik. Ресей президенті Владимир Путин Жоғары Еуразиялық экономикалық кеңестің кеңейтілген отырысында ЕАЭО елдері арасында өзара есеп айырысулар түгелге жуық ұлттық валюталармен жүргізіліп жатқанын айтты.

"Осылайша өзара экспорттық және импорттық операциялар сыртқы ықпалдар мен жаһандық нарықтардағы жағымсыз үрдістерден сенімді түрде қорғалған", – деді Ресей басшысы.

Сонымен қатар ол қатысушы елдердің кедендік заңнамаларын одан әрі үйлестіру шаралары жүргізіліп жатқанын атап өтті. Бұл саладағы кезекті шешімдер келісіледі.

Жоғары Еуразиялық экономикалық кеңес – ЕАЭО-ның жоғары басқарушы органы саналатын құрылым. Кеңес құрамына одаққа мүше мемлекеттердің басшылары – Қазақстан, Ресей, Беларусь, Қырғызстан президенттері және Армения премьер-министрі кіреді.