ЕАЭО елдерінің кедендері арқылы тауар импорттау тәртібі жеңілдетілді

АСТАНА, 26 ақпан – Sputnik. Еуразиялық экономикалық одақ (ЕАЭО) аумағына әкелінетін тауарлардың шығу тегін растау ережесі жеңілдетілді.

Бұған дейін еркін сауда туралы келісім жасаған елдерден тауар импорттағанда кәсіпкерлер екі құжат рәсімдеуге тиіс болатын:

бірі тарифтік преференция алу үшін (яғни кедендік бажды азайту немесе нөлге түсіру үшін);

екіншісі ЕАЭО-ның жалпы ережесі бойынша тауардың шығу тегін растау үшін.

"Енді тарифтік преференция алу үшін берілген сертификат преференциялық емес қайта өңдеу талаптарына сәйкес келсе, оны шығу тегін растау үшін де пайдалануға болады", – деді "Агроэкспорттың" халықаралық-құқықтық сүйемелдеу бөлімі басшысының орынбасары Александр Конторин.

Сондай-ақ ЕЭК бекіткен преференциялық емес ереженің жаңа редакциясына сәйкес, тауар жеткізілетін ел ретінде ЕАЭО-ға мүше кез келген мемлекетті көрсетуге рұқсат етіледі. Бұл жүк алушы өзгерген жағдайда кедендік рәсімдеуді жеңілдетеді, деп хабарлады РФ АӨК өнім экспортын дамыту федералды орталығы.