ЕАЭО елдерінің нарығы сапасыз дәрі дәрмектен қалай қорғалған

АСТАНА, 16 қазан – Sputnik. Ресей ғылым академиясының академигі Геннадий Онищенко ЕАЭО елдерінің нарығы сапасыз дәрі-дәрмектен қалай қорғалғанын айтты.

Оның мәліметінше ЕАЭО елдерінде бірыңғай дәрі-дәрмек нарығы жұмыс істейді.

"Мысалы, дәрі Ресейде тіркелген болса, оны Қазақстанда да сатуға болады. Тіркеу алдында препараттар сынақтан өткізіледі", - деп атап өтті Геннадий Онищенко.

"Мұның бәрін бірыңғай стандарттар мен талаптар бойынша жұмыс істейтін біздің бақылаушы органдарымыз қадағалап отырады", - деп толықтырды ол.

Ол Үндістанда балалар жөтел сиропынан уланғанын, ондай жағдайды болдырмау үшін жеткізілетін дәрілердің қауіпсіздігін қатаң қадағалап, осы талаптарды орындау қажеттігін атап өтті.

"Бүгінде ЕАЭО нарығы үнді препараттарына тәуелді, бір кездері бұл керісінше болды", - дейді Онищенко.

Айтуынша, Кеңес Одағы елдері Үндістанды вакцинамен қамтамасыз еткен.

"Соңғы рет полиомиелитке қарсы вакцинаның 90 миллион дозасы жеткізілген болатын", - деп түйіндеді академик.