ЕАЭО жаһандық сын қатерлерге қарсы бірыңғай көліктік логистикалық кеңістік қалыптастырады

АСТАНА, 13 қазан – Sputnik. ЕАЭО жаһандық сын-қатерлерді еңсеру үшін бірыңғай көліктік-логистикалық кеңістік қалыптастырады.

Бұл туралы Еуразиялық экономикалық комиссияның энергетика және инфрақұрылым министрі Арзыбек Қожошев Мәскеуде өткен еуразиялық логистикалық күн халықаралық форумының пленарлық сессиясы аясында мәлімдеді.

Арзыбек Қожошев ЕАЭО үш басымдыққа:

тауарлардың кедергісіз қозғалысын қамтамасыз етуге;

көлік жүйесінің тиімділігі мен байланыстылығын арттыруға;

көлік қызметтерінің ортақ нарығын құруға бағытталғанын атап өтті.

"Көлікті цифрландыру, атап айтқанда электрондық жүкқұжаттарды, навигациялық пломбаларды енгізу және зияткерлік көлік жүйелері тұжырымдамасын іске асыру есебінен халықаралық логистиканың тиімділігін айтарлықтай арттырады, оны жіксіз етеді және әкімшілік кедергілерді азайтады. Сайып келгенде, мұның бәрі елдер арасындағы тауар айналымының өсуіне оң әсер етеді", деп атап өтті Арзыбек Қожошев.

Оның айтуынша, бұл ретте ЕАЭО "Бір белдеу – бір жол", солтүстік теңіз жолы және жаһандық бастамалармен өзара іс-қимыл бойынша белсенді жұмыс жүргізіп келеді.

"ЕАЭО елдерінің көлік инфрақұрылымы геосаясат, экономика және технологиялар сын-қатерлеріне тап болып, белсенді трансформация сатысында тұр. Алайда, перспективалар оптимистік болып қала береді. Бірлескен бастамалардың, цифрландырудың және халықаралық ынтымақтастықтың арқасында өңір әлемдік көлік жүйесінің негізгі торабына айналуы мүмкін", - деді Қожошев.