EDUFEST 2026 конференциясы өтіп жатыр

Білім беру бағытында экожүйе мен жасанды интеллект қандай роль атқарып жатыр? Педагогтар адами капиталды дамытуға қалай үлес қосады? Осы мәселелер EDUFEST 2026 форумында талқыланды. 

Басқосу Алматыдағы Қазақстан-Британ техникалық университетінде өтіп жатыр. Ұйымдастырушысы  NNEF қоғамдық қоры MIRAS халықаралық мектептері мен Жоғары оқу орындарының альянсы. Жиын екі күнге жалғасады. 

EDUFEST-2026 конференциясы тәжірибелік алаң ретінде ойластырылған. Мұнда білім беру ісі балабақшадан бастап, жоғары оқу орнына дейін бірыңғай экожүйе ретінде талқыланады. Оқытушыларға білім беру тәжірибесіне AI құралдарын қалай енгізу керектігі нақты көрсетіледі. 

Қайыржан Әбдіхалықов, ҚБТУ бизнес-мектебінің профессоры:

- Мектеп мұғалімдері, балабақша мұғалімдері  барлығы бірігіп жаңа экожүйені  жасауға атсалысады. ҚБТУ өз жағынан осы  азаматтық қоғамға білім беру қауымдастығына өз үлесін қосуда. Яғни осы спикерлердің арасында 30 пайыз озық профессорлар. Олар тәжірибемен және технологиялармен бөліседі.

Замауи технология педагогқа әрбір баланың ойлау қабілеті мен әлеуетін дамытуға көмектеседі. Мамандардың айтуынша, жасанды интеллектіні тиімді пайдаланған жөн. Ол сабаққа дайындалғанда, контент жасаған кезде және балалар мен студенттердің оқуға ынтасын оятуда таптырмас құрал.

Марина Үмбеталиева, «Miras» бөбекжайының директоры:

- Жаңа технология мен жасанды интеллект қазір барлық жерде қатты қолданылады. Біздің балабақшада да қолданады. Ол балабақшада педагоктерге көмек жасайды. Балалармен қарым қатынас жасауға жақсы.

Конференция Алматы қаласы Ішкі саясат басқармасы Қоғамдық даму орталығының қолдауымен өтіп жатыр. Бас серіктесі Тимур Құлыбаевтың Halyk қайырымдылық қоры. Қор өкілдерінің пікірінше, заманауи білім беру тәжірибесі мен технология педагогтардың бәріне қолжетімді болуы тиіс.

Авторлары: Қарлығаш Қайыпбекова, Эдуард Кон