Екібастұзда туғанына 19 күн ғана толған сәби анасынан ажыратылды

Бұл туралы Екібастұз қалалық кәмелетке толмағандардың істері және олардың құқықтарын қорғау жөніндегі комиссия хабарлады.

— Жаңа туған нәрестені (нәрестеге 19 күн) Павлодар қаласындағы балалар үйіне орналастыру туралы мәселе қаралды. Комиссия отырысында баланың тұрып жатқан жерінде қажетті жағдайлардың жасалмағаны, анасы сәбиін тұрақты тамақтандырмай, оның өмірі мен денсаулығына қауіпті жағдай тудырғаны анықталды, — деп мәлімдеді комиссиядан.

Сәбидің анасы жұмыс істемеген, әлеуметтік жағынан тұрмысы қолайсыз. Әйелге қолданыстағы заңнама шеңберінде түсініктемелер берілген.

Бұған дейін Жаңа жыл түні ең көп нәресте дүниеге келген өңірлер туралы жазғанбыз.