Еліміз күнбағыс майын экспорттаудан үздіктер қатарында

Қазақстан күнбағыс майын экспорттаушы әлемдегі жетекші сегіз елдің қатарына енді.

Бұл туралы Майлы дақылдарды өңдеушілер ұлттық қауымдастығының басқарма төрағасы Ядыкар Ибрагимов мәлімдеді. Президент тапсырмасына сай, ауыл шаруашылығы өнімдерін қайта өңдеу үлесін 70%-ға дейін ұлғайту міндеті тұр. Осыған орай 10 айда тазартылған майдың экспорты 22%-ға өсіп, 132 мың тоннадан асты. Елде келер жылы жалпы қуаты 370 мың тонна болатын төрт ірі инвестициялық жоба жүзеге асады. Сала мамандарының айтуынша, бұл алдағы екі-үш жылда еліміздің Орталық Азия мен Таяу Шығыс нарығындағы орнын нығайта түседі.