Еліміздегі алғашқы ЖИ университетіндегі дау: Талапкерлер неге наразы?

Талапкерлердің айтуынша, қабылдау науқаны кезінде университет колледж түлектері қысқартылған ҰБТ нәтижесі арқылы оқуға түсіп, мемлекеттік білім гранты конкурсына қатыса алатынын хабарлаған. Талапкерлер бұл ақпарат университеттің әлеуметтік желілеріндегі парақшаларында жарияланғанын, сондай-ақ қызметкерлер жеке хат алмасу барысында құжат тапсыру кезінде QAIRU-ды бірінші таңдау ретінде көрсетуге кеңес бергенін айтады.

Алайда кеше, грантқа өтініш қабылдаудың алғашқы күні, оларға қысқартылған бағдарламалар бойынша колледж түлектерін қабылдамайтынын мәлімдеген. Өтініш берушілердің сөзінше, осыдан кейін университеттің әлеуметтік желілеріндегі мұндай мүмкіндік туралы ақпарат өшіріліп кеткен.

Университеттерге құжат қабылдау қашан басталады?

Талапкерлер QAIRU университетіне түсуге арнайы дайындалғанын, бейіндік ҰБТ тапсырғанын және грант конкурсына қатысуға үміттенгенін айтады. Енді олар жағдайға қатысты ресми түсініктеме беріліп, мәселенің тексерілуін сұрап отыр.

Бұған дейін биыл ашылатын ЖИ университетіне кімдердің түсе алатынын жазған едік.