Елордада Бәріңмен жалғыз сырластым... атты шығармашылық кеш өтеді

16 қазан күні Қалибек Қуанышабев атындағы Қазақ ұлттық музыкалық драма театрында театрында өнер майталманы, Қазақстанның еңбек сіңірген қайраткері, профессор Омар Ақыш Қоңыртайұлының 70 жас мерейтойына орай «Бәріңмен жалғыз сырластым...» атты шығармашылық кеші өтеді, - деп хабарлайды Аikyn.kz.

Омар Ақыш Қоңыртайұлы — қазақ театр өнеріне өлшеусіз үлес қосқан талантты актер, сахна шебері. А.Омар 1982 жылдан бері еліміздің жетекші театрларында қызмет етіп, ұлттық және әлемдік классикадағы бейнелерді сомдап келеді.

1982–1985 жылдары Абай атындағы Семей музыкалық драма театрында еңбек етіп, Ақан сері, Қожамас, Мұрат, Адай сынды рөлдерімен көрермен жүрегінен орын алды.

1985–2003 жылдары М.Әуезов атындағы драма театрында еңбек етіп, Ш.Айтматов «Ғасырдан да ұзақ күн» - Тансықбаев, К.Гоций «Турандот ханшайым» - Әртауым император, Ж.Б.Мольер «Ақымақ болған басым-ай» - Жорж Данден, Е.Аманшаев «Үзілген бесік жыры» - Мұрат, Гапаров «Тұзды шөл» - Ол, М.Жұмабаев «Шолпанның күнәсі» - Сәрсен, Ғ.Мүсірепов «Қозы Көрпеш - Баян Сұлу» - Қарабай, У.Шекспир «Асауға тұсау» - Шал және т.б. рөлдерді сомдады.

2003-2005 жылдары аралығында елордадағы М.Горький атындағы орыс драма театрысахнасында түрлі бейнелерді шебер сомдап, өзіндік қолтаңбасын қалдырды. Атап айтқанда, Ж.Б.Мольер «Тартюф» - Тартюф, Н.Гоголь «Ревизор» - Лука Лукич, Птушкина «Плачу вперед» - Расияв, Ф.М. Достаевский  «Преступление и наказание» - Лужин, Жан-Жак Брикер «Не верь глазам своим...» - Альберт Ламар және т.б.

2005 жылдан  бастап Қалибек Қуанышбаев атындағы  Қазақ ұлттық музыкалық драма театрының актері, сахна шебері. Театр сахнасындағы рөлдері: А.Чехов «Ваня ағай» – Серебряков, Ғ.Ғаппарова, М.Ғаппаров «Қуыршақ немесе қызғаншақ қыздардың кеші» – Ақтан, Ш.Айтматов «Ақ кеме» – Момын шал, М.Әуезов «Абай» – Аға Абай, Т.Джюдженоглу «Көшкін» – Қауым басшысы, Е.Жуасбек «Терең тамырлар»– Жайнақ, Бағбан,  А.Вальехо «Күн сәулесі түспеген» – Әке, Р.Отарбаев «Көлеңкесіз жолаушы» – Әке, В.Ежов «Тыраулап ұшқан тырналар» – Кузовков, А.Дударев «Кеш» - Василий (Мультик), М.Әуезов, Қ.Ысқақ «Қараш-Қараш» - Николай Добродеевич, Ж.Ануй «Жалын жұтқан Жанна Д’Арк» - Әке, Ш.Айтматов «Аққудың көз жасы...» - Автор, Т.Әсемқұлов «Құнанбай» - Генерал, Г.Пьянова «01» - Кейіпкер, Р.Мұқанова «Бопай ханым» - Неплюев, Қ.Жиенбай «Патша көңілім, не дейсің?!.» - Әбдірәсіл т.б.

«Бәріңмен жалғыз сырластым...» атты мерейтой кешінде сахна саңлағының өнер жолы мен өмір белестері көрермен назарына ұсынылады.