Енді банктер несие алушыға сақтандыру мен ақылы қызметтерді міндеттей алмайды

Қазақстанда қаржы ұйымдары жауапты несие беру қағидаттарын сақтауға міндеттеледі. Қаржы нарығын реттеу және дамыту агенттігі төрағасының бірінші орынбасары Тимур Әбілқасымовтың айтуынша, банктердің бизнес-моделі азаматтардың салғырттығына немесе жеткіліксіз ақпараттануына негізделмеуге тиіс.

Жаңа талаптарға сәйкес, банк немесе микроқаржы ұйымы несие рәсімдеу кезінде ақылы қызметтерге немесе сақтандыруға клиенттің келісімін автоматты түрде белгілей алмайды. Қосымша қызмет қажет болған жағдайда оны клиенттің өзі саналы түрде таңдауы керек.

Елімізде несие берешегін реттеуге арналған платформа іске қосылды

Сонымен қатар кредиторлар енді қарыз алушыға белгілі бір сақтандыру компаниясының қызметін міндеттей алмайды.

– Егер несие алу үшін сақтандыру талап етілсе, қарыз алушы талапқа сай келетін кез келген сақтандыру ұйымының полисін ұсына алады. Ал дайын шешім болмаған жағдайда кредитор кемінде бес тәуелсіз сақтандыру компаниясының қызметін таңдауға мүмкіндік беруге тиіс, – деді Тимур Әбілқасымов.

Оның айтуынша, клиенттің таңдауы несие шарттарына әсер етпеуі керек. Сондай-ақ азамат қосымша қызметті асығыс рәсімдеген жағдайда 14 күн ішінде одан ешқандай айыппұлсыз бас тартуға құқылы болады.

Бұдан бөлек, несиенің мерзімі сатып алынатын тауардың пайдалану мерзімімен сәйкес келуі керек. Мысалы, тұрғын үй немесе автокөлік сатып алуға берілетін несиенің ұзақ мерзімге рәсімделуі қалыпты тәжірибе саналады.

Батыс Қазақстанда микроқаржы ұйымы 70 адамның атына заңсыз несие рәсімдеген

Ал смартфон сатып алу немесе қысқа мерзімді демалысты төлеу үшін көпжылдық несие беру негізсіз несиелік ынталандыру ретінде бағаланатын болады.

Сондай-ақ келісімшартқа қол қойылғанға дейін кредитор клиентке несие құны мен барлық шарттары көрсетілген түсінікті ақпараттық құжат ұсынуға міндеттеледі.

Несие алудан бас тарту: Бұл қызметті қалай рәсімдейді?