Несие шарттары күшейді: енді банктер артық пайыз қоя алмайды

2026 жылдың қаңтарынан бастап күшіне енген жаңа қаулыға сәйкес, Қаржы нарығын реттеу және дамыту агенттігі мен Ұлттық банк жылдық тиімді сыйақы мөлшерлемесінің (ЖТСМ) шекті деңгейлерін бекітті, – деп хабарлайды Aikyn.kz сайты.

Бұл мөлшерлемелер 2026 жылғы 1 шілдеге дейін қолданылады. Құжат ипотека бойынша шекті мөлшерлемені 25%-дан 20%-ға дейін төмендету талабын тоқтатып, бұрынғы деңгейге қайтарды.

ЖТСМ шектері келесідей белгіленді: кепілсіз банктік несиелер мен микронесиелер үшін – 46%, кепілді несиелер үшін – 35%. Ал 45 АЕК-ке дейінгі және 45 күнге дейінгі қысқамерзімді микронесиелер бойынша сыйақы күніне 0,3%-дан аспауы және жылдық 179%-дан жоғары болмауға тиіс.

Нәтижесінде, бұл көрсеткіштер 2025 жылдың көктемінде белгіленген деңгеймен салыстырғанда өзгеріссіз қалды, яғни нарықтағы тұрақтылық сақталып отыр.