Эстония Президенті асық ойнады

Эстония Президенті Алар Карис «Арғымақ» кешенінде қазақ дәстүрімен танысты. Эстония Президенті Алар Карис бастаған 150-ге жуық делегация ресми сапар аясында мәдени бағдарламаға қатысты, деп жазады Egemen.kz.

Қонақтарға ұлттық дәстүрді паш ету мақсатында бірнеше киіз үй тігілді. Киіз үйлер қазақ ою-өрнектерімен, тұрмыстық бұйымдарымен безендіріліп, қонақтарға қазақ мәдениеті мен салт-дәстүрі таныстырылды.

Делегация өкілдері ұлттық музыкалық аспаптарды тыңдап, дәстүрлі қолөнер жәрмеңкесін тамашалады. Зергерлік бұйымдар, тоқымашылық өнімдері, ағаш және былғарыдан жасалған бұйымдар, кестелеу өнерінің туындылары, келген қонақтар бірқатар кәдесыйларды естелікке сатып алды.

Президент Алар Карис пен жұбайы «Асық ату» ұлттық ойынын ойнап, оның балалардың қозғалыс дағдыларын дамытуға тигізер пайдасына қанықты. Атшабар алаңында «Қыз қуу», «Теңге ілу», «Көкпар», «Аударыспақ» сияқты ұлттық ат спорты ойындары көрсетіліп, қонақтар қазақтың ерлік дәстүрі мен жылқы баптау мәдениетіне қанықты.

Эстон делегациясы қазақ халқының қонақжайлылығы мен мәдени мұрасына тәнті болып, іс-шара екі ел арасындағы мәдени байланыстарды нығайтуға септігін тигізетінін айтты.