Еуропада табиғи газ бағасы 48% ға көтерілді

Сәуір айына жеткізуге арналған келісім-шарт бойынша газ бағасы 1 МВт-сағатқа 47,2 еувроға жетті. Ал 27 ақпандағы баға 31,95 еуро болған еді.

Бағаның күрт өсуіне АҚШ пен Израильдің Иранға бірлескен соққысы себеп болды. Соның салдарынан Ормуз бұғазы арқылы өтетін танкерлер қозғалысы, жаһандық энергетикалық жеткізілімдер үшін маңызды бағыт, іс жүзінде тоқтады.

Қатардың Рас-Лаффан қаласында орналасқан Qatar Energy энергетикалық нысаны Ираннан ұшырылған дронның соққысынан зақымданғаннан кейін компания сұйытылған табиғи газ өндірісін тоқтатты. Бұл жаһандық сұйытылған табиғи газ  жеткізілімдері туралы алаңдаушылықты күшейтіп, бағаның өсуіне әсер етті.

Ормуз бұғазы Парсы шығанағының сағасында орналасып, Таяу Шығыстан әлемдік нарыққа мұнай мен сұйытылған табиғи газ  жеткізудің негізгі жолы. Әлемдік сұйытылған табиғи газ  экспорттарының шамамен 20%-ы осы стратегиялық бұғаз арқылы өтеді. Қатардан шыққан сұйытылған табиғи газдың көп бөлігі халықаралық сатып алушыларға дәл осы бұғаз арқылы жеткізіледі, ал оның басым бөлігі Азия елдеріне, әсіресе Қытайға бағытталған. Жеткізілімдердегі мүмкін қиындық бағаны әсіресе Еуропада көтеруге мәжбүр етеді.

Сонымен қатар, Еуропадағы газ сақтау қоймаларының толымдылығы 30%-дан төмендеуі де бағаның өсуіне себеп болды. Сақтау қоймалары аз болған сайын, Еуропа халықаралық нарықтардан көп көлемде сұйытылған табиғи газ импорттауға мәжбүр болады.

Естеріңізге сала кетейік, бұған дейін АҚШ пен Израильдің Иранға соққысынан кейін Brent мұнайының бағасы 10%-ға өскен, шамамен 80 доллар/баррельге жеткен болатын.