Еуропалық жетекшілер Ирандағы оқиғаға үн қатты

Еуропалық комиссияның президенті Урсула фон дер Ляйен және Еуропалық кеңестің төрағасы бірлескен мәлімдеме жасады.

ЕО лидерлері жағдайдың өте алаңдататындығын атап өтті. Сонымен қатар, ЕО-ның аймақтағы серіктестерімен тығыз байланыс қолдау тапты.

Мәлімдемеде ядролық қауіпсіздікті қамтамасыз ету және шиеленісуді тудыруы мүмкін әрекеттердің алдын алу өте маңызды екені айтылды.

Еуроодақ Иранның үкіметіне және Ислам революциясы сақшылары корпусына қатысты «масштабты санкциялар» енгізді.

— Мемлекет басшыларының тығыз ынтымақтастығы негізінде ЕО азаматтарының қауіпсіздігін қамтамасыз ету үшін қажетті шараларды қабылдаймыз. Барлық тараптарды сабырлық танытып, азаматтық халықты қорғауға және халықаралық құқықты толықтай сақтау талаптарын орындауға шақырамыз, — деп атап өтті У. Ляйен мен А. Кошта.

Италияның Сыртқы істер министрі Антонио Таяни:

— Мен жағдайды бақылап отырмын және Тегеран мен Тель-Авивтегі итальяндық елшіліктермен үнемі байланыстамын. Алдыңғы кезекте біздің азаматтарымыздың қауіпсіздігі маңызды. Дағдарыс орталығы Фарнезинеде жұмыс істейді.

Нидерландының Премьер-министрі Роб Йеттен:

— Нидерланды жағдайды мұқият бақылап отыр және барлық тараптарды сабырлық танытып, одан әрі шиеленістің алдын алуға шақырады.

Латвияның Сыртқы істер министрі Байба Бразе:

— Латвия Таяу Шығыстағы жағдайды бақылап отыр және өз елшіліктерімен байланыста. Мен Израильдің Сыртқы істер министрі Г. Саармен телефон арқылы сөйлестім. Латвия барлық тараптарды сабырлық танытып, шиеленістің алдын алуға шақырады. Аймақтағы тұрақтылық жаһандық қауіпсіздік үшін маңызды болып табылады.

Естеріңізге сала кетейік, бүгін таңертең Израиль Тегеранда «превентивті соққы» жасады.

Кейін АҚШ Президенті Дональд Трамп Иранға қарсы ауқымды әскери операция басталғанын мәлімдеді.

Иран солтүстік және орталық Израильге зымыран атқылады.