Forte Bank Home Credit Bank акцияларын сатып алу құнын жариялады

Forte Bank 2025 жылғы қазан айында АРРФР-ден Home Credit Bank-ті сатып алу үшін рұқсат алды. Бұл туралы forbes.kz жазды. 
Forte Bank Home Credit Bank-тің барлық орналастырылған және дауыс беретін акцияларының 26,8%-ын 46,152 миллиард теңгеге сатып алғаны хабарланды.

Банкінің аралық қаржылық есептілігіне сәйкес, Forte Bank 9 351 Home Credit Bank акциясының меншік құқығын тіркеген. «2025 жылдың 30 қыркүйегіндегі жағдай бойынша бұл үлес Home Credit Bank-те инвестиция ретінде аралас ұйым мәртебесінде есепке алынған, жалпы баланстық құны 46,152 млрд теңге» делінген есепте.

Сонымен қатар, Forte Bank осы жылдың қазан айында Home Credit Bank пен HomeITTech компанияларын қосымша ұйымдар ретінде сатып алу үшін АРРФР рұқсатын алғаны айтылды.

Еске салсақ, Forte 2025 жылғы 27 маусымда Home Credit Bank-тің барлық акцияларын сатып алу жөнінде акционерлермен негізгі келісімге келгенін жариялаған болатын. Сауда аяқталғанға дейін Home Credit акционерлік құрылымды оңтайландырды: тамыздың соңында негізгі акционер, чех кәсіпкері Иржи Шмейц бірнеше миноритарлық үлестерді сатып алып, өз үлесін 34,7%-дан 90,1%-ға дейін арттырды. Сол уақытта 9,9% үлес PPF Financial Holdings a.s.-қа қалған.

2025 жылғы 12 қыркүйекте АРРФР Forte Bank-ке Home Credit Bank капиталына ірі үлес сатып алу және банктік холдинг ретінде тіркелу мүмкіндігін берген. Forte Bank акционері Болат Өтемұратовқа Home Credit Bank-те ірі (косвенный) қатысушы мәртебесін алу бойынша келісім беріліп, АО «Nova Лизинг»-ке Home Credit Bank-те банктік холдинг мәртебесін алу рұқсаты берілді.

Айта кетейік, Forte Bank-ті бизнесмен Болат Өтемұратов бақылайды. 2025 жылғы 1 шілдедегі жағдай бойынша оның банктегі үлесі 91,1%-ды құрайды. Утемуратов 2025 жылғы мамырдағы жағдай бойынша 3,7 миллиард доллар активімен Қазақстанның ең бай 6-шы адамы, 2024 жылғы рейтингте төртінші рантье және елдегі ең ықпалды кәсіпкерлердің үштігінде үшінші орынға ие.