Германияда құлап қалған 55 жасар пілді құтқару операциясы драмаға айналды

Опель хайуанаттар бағының қызметкерлері 55 жасар Лилак есімді пілді бүйірімен жатқан күйінде тапқан. Салмағы 3,7 тонна болатын жануар өздігінен тұра алмаған, бұл қараушыларды алаңдатқан. Себебі пілдер мұндай қалыпта ұзақ жатса, ішкі ағзаларына зиян келуі мүмкін.

Пілді құтқару үшін арнайы жабдықтары бар 11 өрт сөндіруші шақырылған. Олардың ішінде үлкен үрлемелі жастық та болған. Жастық Лилактың астына қойылып, оны жем-шөппен аздап қозғалтқаннан кейін жастық үрленген. Соның арқасында піл қайтадан аяғына тұрған.

Хайуанаттар бағының өкілдері мұндай операциялар сирек кездесетінін, бірақ бірегей жағдай емес екенін айтты. Шамамен 15 жыл бұрын мұнда тағы бір піл құлап, оны да өрт сөндірушілердің көмегімен тұрғызған. Ал Лилак оқиғадан кейін бірден тамақтанып, өзін жақсы сезіне бастаған.

Еске сала кетсек, 2025 жылы Төтенше жағдайлар министрлігінің қызметкерлері жануарларға 400-ден астам жағдайда көмек көрсетті.

Бұл көрсеткіш тек ресми тіркелген шақыртуларды қамтиды. Нақты жағдайлар саны бұдан да көп.