Илон Маск алдағы 10 жылда Айда қала салады

- Ең басты басымдық – өркениеттің болашағын қамтамасыз ету, ал Ай – жылдамырақ жол.

Марсқа саяхаттау ғаламшарлар әр 26 ай сайын бір қатарда орналасқан кезде ғана мүмкін болады, ал біз Айға әр 10 күн сайын бара аламыз, - деп мәлімдеді ол. 

Кәсіпкер компания Марста қала салу идеясын жақтап отырғанын және оны шамамен бес-жеті жылдан кейін бастайтынын мәлімдеді.

CNN жазуынша, Маск өткен жылдың мамыр айында SpaceX компаниясы алғашқы ұшқышсыз басқарылатын Starship кемесін Марсқа 2026 жылдың соңында жеткізу үшін жұмыс істеп жатқанын айтқан еді. 

Масктың ғарышқа саяхат жасауға қатысты болжамдарын қысқартуына өткен аптада SpaceX пен XAI компанияларын әлемдегі ең құнды жеке компания етіп құрғаны себеп болды. 

Маск он жылдан астам уақыт бойы Марста қоныс құру идеясын жақтап келетінін атап өтіп, бұл 2002 жылы құрылған SpaceX компаниясының басты мақсаты екенін мәлімдеді.

Ал NASA қазіргі уақытта ғарышкерлерді 2028 жылға қарай Ай бетіне қайтару үшін жұмыс істеп жатыр, агенттік бұл мақсатты Барак Обама тұсында қойған болатын. Бұл оралу 1972 жылы «Аполлон» бағдарламасы аяқталғаннан бері адамдардың Айға алғаш рет аяқ басқан оқиғасы болмақ. 

Осыған дейін NASA Айға бағытталған «Артемида II» миссиясының ұшырылуын кейінге қалдырғанын хабарлаған едік.

Сондай-ақ NASA астронавттарға ғарышқа смартфон алып ұшуға рұқсат бергенін жаздық.